Deze tekst is ook beschikbaar in het Nederlands
De Stichting Keunstkrite is ein 2009 oprjochte om it doarp Twizel te ûntwikkeljen ta kultureel en keunstsinnich hert fan Achtkarspelen en it sa op ‘e kaart te setten.
Twizel hat fanwege it plak dêr’t it leit, yn it hert fan de Noardlike Fryske Wâlden in sintrale posysje wat de ûntwikkeling fan it gebiet oanbelanget. In soad fan de lannen yn de neiste omkriten binne fan Staatsbosbeheer en wurde fan it distriktskantoar Regio Noord yn Twijzel út beheard. Dat hat mei soarge foar in hurdere groei fan it toeristyske en rekreative oanbod yn de regio. Bedriuwen en ynwenners fan de gemeente Achtkarspelen spylje dêrop yn troch it oanbod te ferbreedzjen (realisaasje fan nije attraksys en akkommodaasjes) en te ferdjipjen (oanpasse fan oanbod dat der al is).
Yn Twizel is op dizze manier yn 2009 in byldentún realisearre en dat is it begjin wurden fan de Stichting.
Keunstkrite hat in oantal doelen formulearre om it oanbod fan aktiviteiten te ferbreedzjen en te ferdjipjen. Dêrby hat it sintraal útgongspunt west: it stimulearjen fan de algemiene keunstsinnige en kulturele ûntwikkeling yn brede betsjutting.
Doel 1
Ferbreedzjen fan oanbod fan keunstsinnige en kulturele attraksjes troch it ûntwikkeljen en op gong bringen fan nije projekten.
Doel 2
Ferdjipping fan oanbod troch it optimalisearjen fan de byldentún (briedplak, besinningsplak en platfoarm)
Doel 3
Ferdjipping troch gearwurking mei oare organisaasjes (oantreklik regionaal oanbod)
Doel 4
Netwurkjen tusken de besteande attraksjes ferbetterje.
Doel 5
Twizel as kultureel en keunstsinnich hert fan Achtkarspelen op ‘e kaart sette.
Dêrnjonken is in oantal doelen formulearre, dêrby hat it fuortsterkjen fan keunst yn it algemien it sintrale útgongspunt west.
Doel 6
It bieden fan in platfoarm foar bylzjendel keunstners yn de regio.
Doel 7
It bieden fan fasiliteiten foar projekten fan tredden.
Doel 8
Algemiene Keunstedukaasje (passyf en actyf).
Dizze doelen wurde jierliks hifke en dêr wêr nedich wersjoen. De befinings wurde ferwurke yn it belied en werspegele yn de algemiene bestjoerlike aktiviteiten, lykas it gearstallen fan it jierprogramma.
Doelgroepen wurde per aktiviteit formulearre.